Real Madridi duket se ia ka marrë dorën Liverpoolit. Los Blancos kanë shënuar fitore prej 2-5 në Anfield sonte duke vështirësuar kështu shumë rrugëtimin e Liverpoolit në këtë garë. Nunez (‘4) dhe Salah (14’) shënuan për Liverpol derisa për Real Madridin të saktë sonte ishin Vinicius Junior (21’, 36’), Militao (47’) dhe Benzema (55’, 67’)
Real Madridi duket se do të jetë kafshatë e rëndë që të mundet nga Liverpooli.
Kjo pasi që “mbretërit” i kanë dhënë leksion Liverpoolit duke kthyer rezultatin nga 2-0 në fitore 2-5.
Liverpool kaloj shumë shpejt në epërsi në këtë ndeshje, që në minutën e katër. Salah bëri një pasim të mirë për Nunez i cili me mjeshtëri të madhe shënoi golin e parë në këtë ndeshje.
Salah do të kalonte përsëri Liverpoolin në avantazh. Ai shfrytëzoi gabimin e madh të Thibaut Courtois për të shënuar gol në minutën e 14.
Megjithatë, kur u mundua se Liverpool do ta fitonte ndodhi tërësisht e kundërta.
Fillimisht Vinicius Jr mori një pasim të mirë në zonë dhe bëri një goditje të fortë për ta ngushtuar epërsinë në rezultat 2-1 në minutën e 21-të te ndeshjes.
Minuta e 36-të do të shënonte barazimin e kësaj ndeshje kur portieri Alisson bëri një gabim të tmerrshëm dhe Vinicius Junior shënoi përsëri.
Pjesa e parë përfundoi e barabartë kurse në pjesën e dytë Real Madridi ishte një skuadër tërësisht tjetër.
Eder Militao do të shënonte gol me të filluar ndeshja pas një krosimi të Modric nga goditja e këndit në minutën e 47-të.
Nunez kërkoi penallti në minutën e 53-të te ndeshjes, por gjyqtari vazhdoi lojën.
Dy minuta më vonë Real Madridi do të shënonte gol në minutën e 55-të te ndeshjes kur Benzema shënoi pasi topi u devijua nga mbrojtja dhe përfundoi në rrjetë.
Për t’i komplikuar gjërat më shumë për Liverpoolin, Real Madridi shënoi edhe një gol në minutën e 67-të me anë të Karim Benzema që u asistua nga Vinicius Jr.
Deri në fund Liverpool nuk arriti të bënte diçka më shumë dhe në fund pësoi me rezultat 2-5 derisa do të mundohet që të bëjë mrekullinë në ndeshjen e kthimit në Santiago Bernabeu që zhvillohet në muajin mars.