Sergio Ramos shënoi një nga golat e Realit në fitoren ndaj Interit. Kapiteni i madrilenëve gjeti rrjetën për 2-0. Ai foli pas ndeshjes dhe tregoi emocionet e tij për sfidën.
“Ishte një ndeshje e vështirë, por fatmirësisht skuadra tregoi karakter dhe ia dolëm të merrnim 3 pikë. U rikthyem te fitorja në Champions dhe kemi ende rrugë të gjatë përpara.
“Kjo fitorje mendoj se na jep më shumë besim për të vazhduar përpara. U liruam pak dhe morëm emocione. Goli i 100? Është një shifër që nuk arrihet çdo ditë dhe sigurisht që është një moment i veçantë”, – tha ai.