Trajneri i Prishtinës, Zekirija Ramadani është deklaruar pas barazimit 1-1 me Arbërinë në javën e dytë të Superligës së Kosovës.
Strategu i bardhëkaltërve deklaroi se ky barazim i tyre do të jetë një mësim i mirë, mirëpo gjëja pozitive për të ishte numri i madh i rasteve të krijuara.
“Ky barazim do të jetë një mësim i mirë për ne. Nga kjo ndeshje ne kemi nxjerrë shumë mësime për ndeshjet e radhës”, ka thënë Ramadani për “ArtSport”.
“Megjithatë mua më gëzon fakti që në këtë ndeshje krijuam mundësi të shumta për shënim dhe jam i bindur që goli do të vije në ndeshjet e radhës, pasi që kemi brenda skuadrës futbollistë me kualitet shumë të lartë që dinë ta gjejnë rrjetën shpejtë”.
“Është ende herët dhe kemi kohë për t’u përmirësuar. E thash që brenda skuadrës kemi individ m shumë eksperiencë, por që na duhet pak kohë. Brenda pak xhirosh besoj që do të jemi brenda objektivave”, përfundoi Ramadani.
Prishtina pas xhiros së dytë është lider me katër pikë, aq sa ka edhe Arbëria në të dytin.