Futbollistët e Argjentinës së bashku me tifozët e tyre po vazhdojnë “sulmet” brutale ndaj Kylian Mbappes edhe pas finales së Kupës së Botës kur Argjentina e mposhti Francën për ta fituar trofeun e tretë në histori.
Fillimisht, gjatë festës në dhomën e zhveshjes, ata mbajtën një “minut heshtje” për sulmuesin e Paris Saint-Germainit dhe pas kësaj qëndroi portieri argjentinas Emiliano Martinez.
Madje edhe gjatë festës në autobus në Buenos Aires, Martinez nuk ka harruar rivalin e tij “të preferuar”, ndaj ka mbajtur një kukull fëmijësh me fytyrën e Mbappes.
Ditën e sotme në rrjetet sociale është shfaqur një video ku shihen argjentinasit duke djegur një arkivol me imazhin e Mbappes.
Çfarë i zemëroi kaq shumë lojtarët dhe tifozët argjentinas me temperament? Është ndoshta një nga deklaratat e Mbappe para finales.
“Argjentina dhe Brazili nuk kanë një nivel të tillë konkurrence në Amerikën e Jugut, futbolli nuk është aq i zhvilluar sa në Evropë. Dhe prandaj kampionatet botërore fitohen gjithmonë nga evropianët”, ishin fjalët e Mbappes që u përdorën nga argjentinasit fillimisht për motivim, e më pas për “hakmarrje” pas ndeshjes.