Prishtina e Re ka marrë një fitore tejet të madhe duke arritur ta mposhtë Prishtinën me rezultat 4-1 në kuadër të javës së 15-të në elitën e futbollit kosovar.
Vendasit kaluan fillimisht në epërsi pas një autogoli nga Philippe Boueye vetëm 28 sekonda pasi filloi ndeshja për 1-0.
Të besuarit e Qëndrim Kidës ia dolën të realizojnë edhe golin e dytë, kësaj radhe përmes Amos Dadet që realizoi një gol tejet të bukur për 2-0 në minutën e 22-të.
Reagimi i mysafirëve erdhi në minutën e 29-të, të cilët ia dolën të ngushtojnë shifrat me anë të Gjelbrim Taipit që realizoi për 2-1.
Kjo nuk i zmbrapsi Prishtinën e Re, të cilët vetëm disa minuta më vonë realizuan sërish, kësaj radhe me Elvis Prençin i cili realizoi me kokë për 3-1.
Në pjesën e dytë pas një gabimi të portierit Ardit Nika u shkaktua indirekt dhe nga goditja e dënimit, Donat Hasanaj realizoi një gol të bukur për rezultatin përfundimtar 4-1.
Me këtë fitore Prishtina ruan për momentin lidershipin me 26 pikë, ndërsa Prishtina e Re mbetet e fundit në tabelë me 12 sosh.