Premierliga angleze për dallim nga vitet e kaluara sivjet nuk solli lëvizje shumë të mëdha në afatin kalimtar të janarit.
Natyrisht në këtë ndikoi kriza e madhe që i ka kapluar klubet për shkak të pandemisë COVID-19 e cila solli një rënie të shpenzimeve me gati 70% nga merkatoja e janarit të vitit 2020.
Pesë klube angleze nuk shpenzuan asnjë euro, përfshirë Chelsean dhe Leicesterin.
Në total, 20 klubet e Premierligës shpenzuan 77.64 milionë paund në merkaton e janarit 2021, krahasuar me 230 milionët e investuara 12 muaj më parë.
Por, përkundër kësaj, Anglia mbetet në qendër të vëmendjes kur janë në pyetje shpenzimet. Skuadra e West Hamit, vetëm me transferimin e Benrahmas për 20 milionë paund, vendosi një rekord, duke shpenzuar më shumë se të gjitha 20 klubet e La Ligës.
Real Madridi e Barcelona nuk bënë asnjë lëvizje, kështu që Premierliga konfirmoi edhe njëherë se mbetet superfuqi financiare edhe në këto momente të vështira që po kalon i gjithë globi./Gazeta-Topi/