Ylli i Milan, Rafael Leao është një lojtar, emri i të cilit është i lidhur me Paris Saint-Germain si një zëvendësues i mundshëm për Kylian Mbappe. Klubi kryeqytetas po mendon se si do të duket skuadra pa francezin, i cili duket shumë pranë transferimit te Real Madrid në fund të sezonit.
Para ndeshjes së PSG-së kundër Monaco-s të premten, tekniku spanjoll, Luis Enrique foli në një konferencë për shtyp dhe u pyet nga gazetarët për Leaon.
Në vend që të hidhte poshtë pyetjen, Enrique vendosi të përgjigjej me ironi.
“A është ai këngëtar?, tha Enrique duke buzëqeshur. “Jo, kjo është një shaka. Unë e di shumë mirë se kush është Leão. Por nuk dua të flas për një lojtar që nuk është në klubin tonë”, theksoi ai.