Viti i dytë në Itali dhe kampionati (titulli) i dytë radhazi i fituar. Numrat e Cristiano Ronaldos përditësohen dhe janë të çmendur. Ai e bëri Juventusin edhe më të madh. Pas festës në fushë dhe në dhomën e zhveshjes, CR7 postoi në Instagram një mesazh për të shprehur gëzimin e tij: “E kryer! Jemi kampionët e Italisë. I kënaqur për kampionatin e dytë radhazi dhe që vazhdojmë të bëjmë historinë e këtij klubi të madh dhe të shkëlqyeshëm.
Ky titull iu kushtohet të gjithë tifozëve të Juventusit, në veçanti atyre që kanë vuajtur dhe vuajnë nga pandemia, e cila na ka befasuar të gjithëve, futi në kaos mbarë botën. Nuk ishte e lehtë! Guximi juaj, qëndrimi juaj dhe vendosmëria juaj ishte forca që na duhej për t’u përballur me këtë fazë finale të ngjeshur të kampionatit; për të luftuar deri në fund për këtë titull që i përket gjithë Italisë. Një përqafim i madh për të gjithë ju”.