Vëllaznimi ka shënuar fitore të madhe në ndeshjen kundër Trepçës në javën e shtatë në Superligën e Kosovës në basketboll.
“Kuqezinjtë” nga Gjakova triumfuan me rezultat të ngushtë 75:72 ndaj mitrovicasve në palestrën “Shani Nushi”.
Ndeshja ishte tejet dramatike dhe u vendos krejt në minutat e fundit të çerekut të katërt.
Burim Zekiqi me disa tre pikësha të realizuar i dha avantazhin gjakovarëve në sekondat e fundit.
Broën në dy sekondat e fundit tentoi nga gjysma e fushës t’i barazojë shifrat, megjithatë ai nuk u tregua i saktë, për të shpërthyer në festë gjithë palestra.