Ai mund të jetë një yll i klasit botëror që ka fituar Premier League dhe UEFA Champions League, por Mohamed Salah ka vetëm një trofe në mendje dhe në zemër.
Salah ka theksuar se Kupa e Kombeve të Afrikës është kompeticioni më i rëndësishëm për të.
“Humba në Gabon 2017 kundër Kamerunit në finale, por mund t’ju siguroj se është trofeu që dua ta fitoj më së shumti. Unë punoj për ta fituar atë dhe kjo është historia me të gjithë lojtarët egjiptianë të pranishëm këtu, tha Salah.
“AFCON është një kompeticion jashtëzakonisht i vështirë dhe që në fillim e keni parë që edhe skuadrat më të mira po luftojnë për të fituar”, kujtoi sulmuesi i Liverpool-it.
“Para se të mendojmë për hakmarrje ndaj Kamerunit, ne do të duhet të mposhtim disa kombëtare gjigante”, tha ai.