Real Madrid dhe PSG takohen sonte në orën 21:00 në “Santiago Bernabeu”, atje ku kërkohet një vend në çerekfinalet e Champions League.
Skuadra e Carlo Ancelottit do të duhet të përmbys rezultatin nga 1-0 në ndeshjen e parë në “Parc des Princes” për të kaluar në një raund të ri në kompeticionin e tyre të preferuar.
Leo Messi rikthehet të luajë në “Santiago Bernabeu”, atje ku nuk e ka pasur pritjen më të mirë në të kaluarën e tij, kjo për faktin se ishte futbollisti i skuadrës rivale, asaj të Barcelonës.
Sulmuesi argjentinas ka shënuar 15 gola dhe ka krijuar 9 asistime në 23 ndeshje sa ka luajtur në këtë stadium. Ai ka arritur 12 fitore, 3 barazime dhe 8 humbje.
