Paris Saint-Germain ka shënuar fitore në ndeshjen e parë ndaj Real Madridit në “Parc des Princes” me rezultat 1:0.
Ishte Kylian Mbappe i cili realizoi në sekondat e fundit të ndeshjes, pas një depërtimi të bukur në zonë.
Pas ndeshjes, ai u pyet rreth të ardhmes së tij, por nuk zbuloi ndonjë gjë.
“Si ta injoroj përmbajtjen. Është e lehtë, ti duhet të luash futboll. Ne bëjmë shumë pyetje, shumë gjëra. Ne flasim për PSG-në dhe Realin, dy klube të mëdha, por jam një lojtar i PSG-së. Jam gjithmonë shumë i lumtur”, u shpreh francezi për Canal Plus.
Paris Saint-Germain tani shkon në Madrid pas dy javëve me një epërsi të vogël dhe do ta kërkojë kualifikimin tutje.
Në anën tjetër, Real Madridi e ka një gol për ta përmbysur në “Santiago Bernabeu” në ndeshjen e kthimit.