Në përfundim të pjesës së parë në ndeshjen Napoli-Milan, Spalletti dhe Maldini patën një debat me tension të lartë.
Trajneri i Napolit dhe drejtori sportiv i Milanit patën një debat të ashpër në tunelin e dhomave të zhveshjes. Ky debat nuk kaloi pa u vënë re dhe Spalletti është pyetur pas ndeshjes nga gazetarët për të shpjeguar arsyen.
“Po i kërkoja llogari arbitrit për kartonin e verdhë të Lobotkës, Maldini eci pranë duke tundur krahët sikur të thoshte “gjithmonë po ankohesh”. Nëse dikush protestonte ishin ata, ashtu si vitin e shkuar. Nuk më pëlqeu fakti që ai foli për mua teksa po debatoja me arbitrin, megjithatë gjithçka është në rregull për mua. Në fund të fundit është Paolo Maldini, këto gjëra janë të shëmtuara”, tha Spalletti.
Në disa pamje të shfaqura nga DAZN, duket se Maldini dëgjohet duke i thënë Spallettit: “Mister, jeni nervoz, por e fituat kampionatin, çfarë doni më?”. Më pas ka qenë Leao që ka tërhequr Maldinin për të sjellë qetësinë në dhomat e zhveshjes