Barcelona, Real Madridi e Chelsea raportohet se kanë shprehur interesim për Riyad Mahrezin.
Algjeriani ende nuk ka vendosur për të ardhmen e tij, teksa ka kontratë aktuale deri më 30 qershor të vitit të ardhshëm.
Sipas “FootMercato”, Barcelona, Real Madridi dhe Chelsea po monitorojnë situatën e lojtarit, i cili mund të largohet këtë verë nga “Etihad Stadium”.
Kampioni në fuqi anglez mund ta lejojë largimin e Mahrezit në afatin e verës, për të mos e humbur pastaj me parametra zero në verën e vitit të ardhshëm.
Më herët është raportuar se edhe Paris Saint-Germaini ka shprehur interesim për 31-vjeçarin.