Llapi ka njoftuar se ka nënshkruar marrëveshje njëvjeçare me sulmuesin ganez Abedel Latif Amadu.
Amadu u prezantua nga klubi i Podujevës në Antali të Turqisë, ku skuadra e Tahir Batatinës po qëndron për t’u përgatitur për pjesën e dytë të sezonit në Superligë.
Llapi njoftoi se Amadu iu bashkua skuadrës në stërvitje, pasi e përmbylli marrëveshjen njëvjeçare me klubin.
“28-vjeçari i lindur më 20 gusht 1993 në Acora të Ghanës dhe i gjatë 190 cm ka bërë karrierë në këto skuadra: Berekum Chelsea FC (Ghanë), Asante Kotoko SC (Ghanë), Dynamo Brest (Bjellorusi), KF Teuta (Shqipëri), SC Kfar Qasem (Izrael), Al-Khaalej (Arabi Saudite) dhe Al-Ansar (Arabi Saudite)”, thuhet në një njoftim të Llapit.
Llapi pati një pjesë të mirë të sezonit 2021/22, duke i mbledhur 29 pikë nga 18 ndeshje, gjashtë më pak se liderja Gjilani dhe katër më pak se zona e Evropës.
Batatina synon që ta vazhdojë ecurinë e mirë edhe në pjesën e mbetur të sezonit për ta çuar klubin përpara.
