Liverpool fiton derbin dhe forcon pozitën e liderit në Premier League

Liverpooli ka bërë një hap të madh drejt titullit kampion, duke mposhtur Evertonin me rezultat minimal 1-0 në derbin e qytetit të zhvilluar të mërkurën mbrëma.

Pavarësisht rezultatit të ngushtë, sfida mes rivalëve lokalë dhuroi një lojë plot intensitet. Goli i vetëm i takimit u realizua nga Diogo Jota në minutën e 57-të, duke i siguruar “The Reds” tri pikë jetike në garën për titull.

Me këtë fitore, Liverpooli kryeson Premier League-n me 73 pikë, duke u shkëputur 12 pikë nga ndjekësi më i afërt, Arsenali. Në anën tjetër, Evertoni mbetet në pozitën e 15-të me 34 pikë dhe ende në luftë për mbijetesë.

Në një tjetër përballje të rëndësishme të mbrëmjes, Manchester City triumfoi ndaj Leicester City-t me rezultat 2-0. Jack Grealish zhbllokoi ndeshjen që në minutën e dytë, ndërsa Marmoush vulosi fitoren në minutën e 29-të.

Me këtë fitore, skuadra e Pep Guardiolës ngjitet në kuotën e 51 pikëve, duke mbajtur vendin e katërt në tabelë, ndërsa Leicesteri mbetet në zonën e rrezikut, në pozitën e parafundit me vetëm 17 pikë.

Leave a Reply

Your email address will not be published. Required fields are marked *