Lionel Messi e ka tejkaluar legjendën braziliane, Pelen me gola në karrierë.
Ylli argjentinas kontribuoi me dy gola në fitoren 4:1 të Paris Saint-Germainit kundër Club Brugges në Ligën e Kampionëve.
Me këtë dygolësh, Messi ka arritur në kuotën e 758 golave zyrtar, duke tejkaluar Pelen, që kishte shënuar 757 gola.
Ndërsa golashënuesi më i mirë në histori vazhdon të mbetet Cristiano Ronaldo që ka 801 gola zyrtar.
Kujtojmë se Messi javën e kaluar e fitoi për herë të shtatë në karrierë çmimin prestigjioz individual Topin e Artë.
10-shi argjentinas iu bashkua Paris Saint-Germainit në merkaton e verës si lojtar i lirë nga Barcelona.