Sulmuesi i kombëtares së Shqipërisë, Armando Broja, nuk do të jetë i gatshëm për ndeshjen e nesërme kundër Çekisë në kuadër të kualifikimeve për “Euro 2024”.
Lajmin e ka bërë të ditur vetë trajneri i kombëtares shqiptare, Sylvinho.
“Armando Broja nuk do të jetë gati për nesër, është i lënduar”, tha ai në konferencë për media.
Kujtojmë se Shqipëria nesër do ta luajë një nga ndeshjet më të rëndësishme të këtyre kualifikimeve, pasi në rast fitoreje do t’i duhej vetëm një barazim nga dy ndeshjet e fundit për t’a siguruar biletën për Kampionatin Evropian që do të mbahet në Gjermani.