Laura Fazliu siguron medalje evropiane, kalon në finale të Kampionatit Evropian
Laura Fazliu ka kaluar në gjysmëfinale të Kampionatit Evropian, i cili po mbahet në Sofje të Bullgarisë.
Ajo në gjysmëfinale fitoi me Ippon ndaj spanjolles, Cristina Cabana.
Xhudistja e Kosovës garon në kategorinë deri në 63 kilogramë.
21-vjeçarja tani synon medaljen e artë, pasi me kalimin në finale veç e ka siguruar medaljen e argjendtë. Laura në finale do të takohet me xhudisten nga Britania e Madhe, Gemma Howell.
Xhudistja jonë në raundin e parë e mposhti xhudisten nga Izraeli, Kerem Primo, kurse në raundin e dytë fitoi ndaj britanikes, Lucy Renshall.
Laura Fazliu në çerekfinale triumfoi ndaj çekes, Renata Zachova.