Superkupa e Spanjës 2021-2022 do të vendoset këtë javë me gjysmëfinalet që fillojnë të mërkurën (sot) pasi Real Madridi përballet me Barcelonën sonte në mbrëmje me fillim prej orës 20:00.
Ndeshja do të zhvillohet në Riad të Arabisë Saudite, ku fituesit do të përballen me Atletico Madrid ose Athletic Club në finalen e së dielës.
Barça humbi në finale vitin e kaluar nga Athletic, ndërsa Real Madrid ishte në finale dy vjet më parë, duke mundur rivalin Atletico Madrid.
Dy gjigantët e futbollit spanjoll vijnë në këtë El Clasico në pozita të ndryshme. “Los Blancos” kryesojnë bindshëm La Ligan, me plot 17 pikë më shumë se “Blaugranat”, çka tregon diferencat e mëdha që janë krijuar në cilësi.
Ndeshja e parë gjysmëfinale e Superkupës së Spanjës transmetohet direkt në SuperSport dhe RTK.