Duke mos lënë anash shkarkimin e Graham Potter dhe emrat që lidhen me një kalim në Stamford Bridge, ka ardhur koha të flasim për Bruno Saltor.
Anglezi u shkarkua nga klubi londinez më 2 prill dhe një deklaratë e shkurtër që njoftonte vendimin e pronarit të ri Todd Boehly përfundoi me fjalët “Bruno Saltor do të marrë drejtimin e ekipit si trajneri i përkohshëm “.
Por kush është trajneri i ri i Chelseat?
Bruno Saltor është 42 vjeçar, ishte një mbrojtës i djathtë që e filloi karrierën e tij në sistemin e të rinjve të Espanyol në Spanjë. Ai u promovua nga ekipi B në ekipin e parë, por luajti vetëm një herë në nivel të lartë, në vend të kësaj u huazua te Gimnastic. Nga atje, ai u transferua në Lleida dhe më pas në Almeria, duke bërë mbi 100 ndeshje për çdo klub, përpara se të transferohej në Valencia.
Kur Bruno u nënshkrua nga Brighton & Hove Albion, ai filloi të ngriste vetën e tij duke luajtur në një ekip në zhvillim që përfundimisht fitoi promovimin në Ligën Premier në 2017. Ai ishte një njeri i fortë për Pulëbardhat dhe ishte i njohur në Angli për aftësinë e tij mbrojtëse, pavarësisht moshës së tij si 36 vjeëar, duke qëndruar si zgjedhja e parë në Ligën Premier. Ishin vetëm lëndimet që e detyruan lojtarin të hiqte dorë nga pozicioni i tij në krah, edhe në fund të 30-tave.
Në vitin 2019, Bruno njoftoi tërheqjen e tij si lojtar dhe shkoi të punojë si trajner i zhvillimit të lojtarëve në Brighton, nën udhëheqjen e trajnerit të atëhershëm Graham Potter.
Në shtator 2022, pasi Potter ishte siguruar në rolin e tij të ri si trajner i Chelseat, Bruno u zgjodh nga Potter që të ishte edhe te londinezët si ndihmës i tij. Pas shkarkimit të Graham Potter në prill 2023, Bruno u emërua trajneri i përkohshëm i Chelseat