Victor Font dhe Toni Freixa e kanë uruar Joan Laportën për fitoren në zgjedhjet presidenciale në klubin e Barcelonës.
Laporta i mposhti dy kundërshtarët e tij Victor Font dhe Antoni Freixa, duke i fituar mbi 57% të votave pas numërimit të 80% të votave, raporton GE.
Tre kandidatët për president të Barcelonës i bashkuan duart, duke simbolizuar triumfin e Barçës si klub demokratik dhe i gjallë.
Font dhe Freixa iu afruan Laportës dhe e uruan për fitoren duke e përqafuar, po ashtu.
Freixa u shpreh: “Njerëzit votuan, e shprehën veten dhe ne duhet ta urojmë presidentin Laporta. Ne duhet patjetër ta përkrahim presidentin”.
Laporta do të jetë presidenti i 41-të në historinë e klubit të Barcelonës dhe ky do të jetë mandati i tij i dytë si president.
Fair play between the three candidates pic.twitter.com/ImzbEI28M4
— FC Barcelona (@FCBarcelona) March 7, 2021
Nga viti 2003 deri më 2010, Laporta ishte korri suksesin shumë të madh si president duke fituar shumë trofe: 4 tituj në La Liga, 1 në Kupën e Mbretit, 2 në Ligën e Kampionëve dhe 1 në Kupën e Botës për Klube.
