Mediat angleze raportojnë se Ronaldo shumë shpejt mund ta përfundojë aventurën te Manchester United, me Romën e cila është në mesin e klubeve të interesuara.
Cristiano Ronaldo u largua nga Serie A në verë pas tri viteve të kaluara te Juventusi.
35-vjeçari u rikthye te Manchester Unitedi me kontratë deri në qershorin e vitit 2023, por ekipi nuk po gëzon formë të mirë.
Sulmuesi portugez ka kontribuar me 14 gola në 26 ndeshje dhe ishte kyç në kualifikimin e “Djajve të Kuq” në 1/8 e finales së Ligës së Kampionëve.
Është raportua që një kohë të gjatë se Ronaldo nuk është i lumtur me standardin e skuadrës dhe do të largohet nëse klubi dështon të kualifikohet në Champions League.
Tani, The Sun raporton se klubet e interesuara për ta transferuar Ronaldon janë Paris Sain-Germain, Bayern Munich dhe Roma.
Kalimi te Roma do të ishte shok i vërtetë, pasi që Ronaldo nuk ka shumë kohë që u largua nga Serie A, por gjithashtu edhe për faktin që italianët kanë më pak gjasa të kualifikohen në Champions League sesa Manchester Unitedi.
Nën pronësinë e amerikanëve, klubi e solli trajner Mourinon, i cili veçse ka punuar me Ronaldon në Real Madrid.