Lyon ka kaluar në çerekfinale të Ligës së Kampionëve, edhe pse u mposhtën 2:1 në ndeshjen e kthimit në Torino nga Juventus.
Francezët ndeshjen e parë në Francë e kishin fituar 1:0.
Dy golat e shënuar nga Ronaldo në ndeshjen e kthimit, nuk i mjaftuan Juventusit, që u desh të pajtohej me një eliminim në këtë fazë të hershme të Ligës së Kampionëve.
Cristiano Ronaldo nuk ishte eliminuar në një fazë kaq të hershme të Ligës së Kampionëve në dhjetë vitet e fundit. Hera e fundit kur kishte ndodhur diçka e tillë, ka qenë sezoni 2009/2010, sezoni i parë kur ai ishte transferuar nga Manchester United te Real Madrid.
Është interesant fakti se edhe në atë ndeshje, ishte Lyon që kishte eliminuar Real Madridin dhe Ronaldon.