N’Golo Kante është një shembull i duhur se si një njeri dhe futbollist nuk duhet të dorëzohet kurrë.
Mesfushori francez ka vuajtur shumë dhe askush nuk ka patur besim tek ai, por ai ka arritur të fitojë kupën e botës dhe dy herë titullin kampion në Angli, FA Cup e Europa League.
Fillimet e tij nuk kanë qenë shumë të sukssesshme dhe gjërat nuk kanë shkuar vaj për mesfushorin.
“Nuk kam pasur gjithmonë besim se do të bëhesha futbollist profesionist. Kam dështuar në disa prova për disa klube të ndryshme në Francë. Kur më refuzonin, shikoja lojtarët e tjerë të Akademisë dhe i thosha vetes: “Çohu N’golo, kemi shumë punë për të bërë!”
“Kam punuar dy herë më shumë se çdo moshatar i imi, gjatë gjithë karrierës time. Ato dështime më kanë bërë sot lojtarin që jam, më kanë dhënë forcë. Prandaj, kam një mesazh për të gjithë ata që refuzohen, jo vetëm në futboll, por në çdo fushë të jetës. Ngrihuni dhe mos lini një ‘Jo’ të hedhë poshtë gjithë punën tuaj, keni gjithmonë diçka tepër për të dhënë. Nëse është diçka që ju e dashuroni, ndiqeni deri në fund”, – tha Kante.