Jose Mourinho vjen me fjalët e para pasi firmosi me Romën

Jose Mourinho para pak minuta është zyrtarizuar si trajneri më i ri i skuadrës së Romës.

Klubi Italian fillimisht gjatë ditës e liroi nga detyra trajnerin, Paulo Fonseca.

Mourinho ka nënshkruar kontratë që e mban atë në postin e trajnerit të “Giallorossi” deri në vitin 2024.

Me të vënë firmën e tij në kontratë, strategu portugez ka thënë se ka qenë pasioni i tifozëve të Romës që e ka bindur atë të marrë drejtimin e skuadrës.

“Pasi diskutova me pronarët dhe Tiago Pinton, menjëherë kuptova se sa e lartë është ambicia e këtij klubi. Pasioni i pabesueshëm i tifozëve të Romës më bindi të pranoja punën e re. Forca Roma”, ka thënë Mourinho për faqen zyrtare të klubit.

Kujtojmë se Jose Mourinho së fundmi ka qenë trajner i Tottenham Hotspur.

Leave a Reply

Your email address will not be published. Required fields are marked *