Sulmuesi Zlatan Ibrahimovic konfirmoi se rikthimi i tij në garë do të vijë së shpejti.
Sulmuesi veteran i Milanit po vuan nga një lëndim në ‘Tendonin e Akilit’, por ka thënë se do rikthehet së shpejti.
“A do të kthehem shpejt? Po sigurisht. Kam besim në çdo gjë që po bëj. Sa larg do të shkoj, nuk e di, por gjithmonë përpiqem të shkoj më tej. Pse të jesh normal kur mund të jesh më i fortë? ”, tha ai në një prononcim për Radion 105.
Ai është pyetur për karrierën te Milani, dhe se me çfarë do merret pasi të pensionohet si futbollist.
“Të shohim… jam kurioz për disa gjëra, si për shembull të jesh aktor! Por asgjë nuk do të jetë si futbolli. Kam shumë projekte, por tani fokusi im është të jem lojtar. Kur të luaj sërish, do të prish stadiumin. Është Ibra ai që vendos se kur të ndalet. Shumë thonë se kam mbaruar, thjesht më motivojnë”, përfundoi Ibra.