Futbollisti i Kombëtares së Kosovës, Astrit Selmani pati një ditë të vështirë të dielën gjatë ndeshjes me Hammarbyn kundër Ostersunds.
Pas një përplasje me një kundërshtar në fushë, Astriti humbi ndjenjat dhe u dërgua me urgjencë në spital.
Megjithatë, gjendja shëndetësore e futbollistit kosovar është përmisuar dhe ai mund të kthehet në stërvitje brenda disa ditëve.
Kështu ka bërë të ditur klubi suedez, Hammarby përmes një njoftimi në faqen zyrtare.
“Astriti i ka kryer ekzaminimet në spital, të cilat janë normale në raste të tilla. Ai e ka pësuar një tronditje si pasojë e përplasjes me kundërshtarin në fushë. Atij i është qepur vetulla dhe nuk ka ndonjë lëndim tjetër. Disa ditë pushim dhe Astriti mund t’iu kthehet stërvitjeve”, thuhet në njoftimin e Hammarby.
Astrit har nu genomgått undersökning på sjukhus, vilket är standard vid den här typen av händelser. Den visar att kollisionen orsakade hjärnskakning. Tre stygn för såret vid ögonbrynet, inga övriga skador. Några dagars vila väntar innan Astrit kan trappa upp träningen. #Bajen pic.twitter.com/5OjKVQQEAX
— Hammarby Fotboll (@Hammarbyfotboll) October 24, 2021