Pak minuta para se të niste ndeshja e djeshme mes Spanjës dhe Përfaqësueses së Kosovës ishte gati të ndodhte një incident kontravers.
Autoritetet e Federatës së Futbollit të Spanjës kërkuan që flamuri i Kosovës të largohet nga stadiumi “La Cartuja” në Sevilla, raporton FrontOnline.
Megjithatë, një gjë të tillë nuk e lejoi kreu i “Dardanëve”, Lulzim Berisha, i cili deri në fund insistoi që flamuri të mbetet në stadium.
Në lidhje me këtë moment ka reaguar edhe mediumi kontravers serb, “Kurir.rs”. i cili e nisi me një titull skandaloz këtë moment.
“Huliganët nga Prishtina krijuan kaos në Spanjë: Delegacioni i shtetit të rremë solli flamurin e Kosovës, siguria nxituan ta hiqnin atë”, shkruhet në titullin skandaloz të serbëve.
Ndryshe, ndeshja e vlefshme për eliminatoret e Kupës së Botës “Katar 2022” mes Spanjës dhe Kosovës u mbyll me rezultat 3:1.