Një gol i rrallë dhe magjik është shënuar pasditen e sotme në Angli. Në ndeshjen Notts County-Oxford City, e vlefshme për “FA Trophy”, Elia Sam ka shënuar një gol që edhe vetë nuk e ka besuar.
Pas një krosimi nga krahu i majtë, izraeliti ka goditur me thembër, edhe pse ishte me shpinë nga porta, duke lënë të befasuar portierin mik dhe duke shënuar një gol vërtet magjik.
Padyshim një gol të tillë Elia Sam nuk do ta harrojë kurrë, jo vetëm për mënyrën e shënimit, por edhe se mund të jetë një prej kandidatëve kryesorë për të fituar çmimin e golit të vitit “Puskas”.