Boksieri britanik Tyson Fury, kampion bote në peshën e rëndë (kategoria WBC) u shpreh se është shumë i interesuar për një duel ndaj patriotit të tij Anthony Joshua.
Ky i fundit mban titujt kampionë bote në peshën e rëndë, në kategoritë IBF, WBA, WBO. Ndaj, një përballje mes tyre do të unifikonte titujt kampionë bote në peshën e rëndë.
Joshua, dy ditë më parë mbrojti titujt në një duel ndaj bullgarit Kubrat Pulev, ku fitoi me KO, ndërsa Fury nuk duelon që prej shkurtit të këtij viti.
“Dua që sfidën e radhës ta kem ndaj Joshua. Mbeti duke u rrotulluar pas shkurreve duke u fshehur. Jam gati. Do ta hedh poshtë në tapet dhe do ta mund brenda 3 raundeve. Është vetëm një humbës i madh dhe kaq”, u shpreh Tyson Fury.