Të shtunën dhe të dielën na pret një super fundjavë futbollistike.
Ndeshje jashtëzakonisht interesante janë në program, duke filluar nga Premier League e deri tek finalja e Superkupës së Spanjës.
Fillimisht, nesër me fillim nga ora 13:30, Manchester United dhe Manchester City do të përballen në ‘Old Trafford’.
Poashtu në Premier League, të dielën, Tottenham dhe Arsenal luajnë derbin e ‘zjarrtë’ të Londrës. Takime tjera interesante në Premier League pritet të jenë edhe ato mes Brighton dhe Liverpool, si dhe ndeshja mes Chelsea dhe Crystal Palace.
Real Madrid dhe Barcelona premtojnë një takim jashtëzakonisht interesant të dielën, atje ku me fillim nga ora 20:00, të dy skuadrat kërkojnë torfeun e Superkupës.
Ndeshje shumë interesante pritet të jenë edhe ato në Serie A, fillimisht sonte ajo mes Napolit dhe Juventusit, pastaj nesër ato mes Lecce – Milan dhe Inter – Verona.