Kombëtarja e Kosovës do të ballafaqohet me Rumaninë të premtën.
Kosova dhe Rumania ballafaqohen në “Fadil Vokrri” me fillim nga ora 20:45, në kuadër të Ligës së Kombeve.
Mediumi rumun, GSP.ro shkruan për formën e jashtëzakonshme që lojtarët e Kosovës kanë momentalisht, teksa raportojnë se nuk do jetë aspak e lehtë për rumunët.
Ja detaje nga raportimi i GSP:
“Kombëtarja rumune do të ketë një mision të vështirë në Prishtinë, ku do të takohet me Kosovën në ndeshjen e parë të Ligës së Kombeve. Nëse në përballjen e fundit, nga paraprake të Euro 2024, “trikolorët” mbizotëruan 2-0 në Arenën Kombëtare, këtë herë yjet kosovarë në dispozicion të Franco Foda janë në formë të jashtëzakonshme.
Kosova nuk ka ndonjë të theksuar dhe është e mbushur me optimizëm dy ditë para ndeshjes. Tifozët janë gati të mbushin stadiumin në kryeqytet dhe atmosfera në skuadër të jep besim për një rezultat pozitiv. Zhegrova, Muriqi dhe Rashica janë në top formë”, shkruan GSP.ro.