Xhiroja e 34 në La Liga e gjen Barcelonën në udhëtimin e vështirë te Villarreali, ndërkohë që katalunasve u nevojiten pikë të plota.
Blaugranët kanë mbetur shtatë pikë prapa Real Madridit në garën për titullin e Spanjës, prandaj duhet të fitojnë për ta ngushtuar diferencën dhe për të shpresuar në gabimin e liderit.
Nga ana tjetër, edhe Villarreali është duke bërë përpjekje që ta sigurojë një vend në Ligën e Kampionëve, pasi ndodhet vetëm tri pikë prapa Sevillas që mban vendin e katërt.
Do të shohim edhe një përballje taktikash ndërmjet trajnerëve Javi Calleja dhe Quique Setien, të cilët i kanë gati formacionet e tyre.
