Federata e Futbolit e Kosovës parmes një videoje ka prezantuar investimet që ka bërë në zhveshtoret e klubeve të futbollit kosovar, shkruan Demokracia.com.
Të gjithë jemi dëshmitar që zhveshtoret në një kohë kanë qenë në gjendje tw mjerueshme, ku futbollistët rrezikonin seriozisht edhe shëndetin për shkak të ambientit tejet të keq. Mirëpo ja që tash lojtarët dhe stafet teknike kanë një ambient shumë më të mirë ku mund të bëhen gati për ndeshje dhe stërvitje.
FFK ka thënë se gjithmonë ka qenë dhe është afër klubeve për t’u ndihmuar dhe për t’u krijuar kushte sa më të mira.
Më poshtë keni njoftimin e plotë të FFK-së të përcjell me një video ku zbulon punën e saj që ka bërë:
Klubet çdo herë kanë qenë në fokus të FFK-së, veçmas në aspektin e infrastrukturës. Për t’i ndihmuar ato në plotësimin e kushteve elementare, por edhe më gjerë, FFK ka gjetur forma të ndryshme për t’i përkrahur ato.
Renovimi i zhveshtoreve për klubet e Superligës, Ligës së parë, por edhe të dytë, ka qenë një hap i rëndësishëm të cilin FFK e ka ndërmarrë gjatë këtyre viteve, në krye me presidentin Agim Ademi.
Ambientet ku futbollistët i shfrytëzojnë çdo ditë para dhe pas stërvitjeve, ishin në gjendje shumë të rëndë, por falë investimit të FFK-së ato gëzuan një transformim të shpejtë e të jashtëzakonshëm.
Në këtë video mund të shihni gjendjen në të cilën kanë qenë disa prej zhveshtoreve të klubeve dhe si duken tani.