Gjermani Felix Brych, do të jetë gjyqtari kryesor i ndeshjes Itali-Spanjë, e cila është gjysmëfinalja e parë e Euro 2020 që do të luhet të martën me 6 korrik në Wembley.
Atë do ta asistojnë Borsch dhe Lupp si anësor, kurse gjyqtari i katërt do të jetë rusi, Karasev, ndërsa në VAR do të jetë gjermani Marco Fritz.
Felix Brych gjykoi finalen e Ligës së Kampionëve në Cardiff midis Juventusit dhe Real Madridit në të kaluarën.
Ai ka referuar njëzet e shtatë ndeshje në përgjithësi me ekipet italiane në fushë, duke përfshirë edhe ekipin kombëtar. Italianët me këtë gjyqtar kanë dymbëdhjetë fitore, tetë barazime dhe shtatë humbje.
Hera e fundit që referoi ekipin kombëtar italian ishte në Ligën e Kombeve, në fitoren 1-0 kundër Hollandës në shtator të vitit 2020.