Ilenia dhe Totti, së bashku përsëri. Përsëri, saktësisht. Sepse Francesco ishte me të për disa muaj, jo fizikisht, por falë atij video-mesazhi që e ndihmoi vajzën të reagonte dhe të zgjohej ngadalë nga koma. Ish-kapiteni verdhekuq nuk humbi kohë dhe katër ditë pas përmendjes shkoi ta takonte fansen e tij, e cila kishte hyrë në koma para një viti, për shkak të një aksidenti të keq, në të cilin humbi jeta është një mik i saj.
“Ne u përqafuam, Ilenia qau dhe u emocionua, – janë fjalët e Totit. – U zgjove falë meje? Jam i lumtur, do ta kisha ndihmuar edhe më herët nëse do ta dija. Do të takohemi përsëri kur ajo të dalë nga spitali”. Por, pse Totti ishte kaq i rëndësishëm për Ilenia? Le ta nisim nga fillimi, nga aksidenti rrugor. Ishte 15 dhjetor 2019, kur Ilenia dhe Martina u përplasën me një pemë jashtë rrugës. Martina humbi jetën në vend, Ilenia u dërgua me urgjencë në spitalin “Gemelli” dhe përfundoi në koma.
Muajt e gjumit të thellë, në të cilët prindërit natyrshëm u përpoqën me çdo mënyrë për t’i ndihmuar mjekët që ta zgjonin atë, kaluan mes makthit të madh. Mesazhet nga miqtë dhe të afërmit e bënë atë të dëgjonte himnin e Romës së saj çdo ditë, ekipit të saj të preferuar. Pastaj, një ditë elektrokardiograma regjistroi një puls të ri. “Ilenia, mos u dorëzo, ti do t’ia dalësh. Ne jemi të gjithë me ty”. Një zë, që ajo e njihte, ai i Totit.
Ish-kapiteni verdhekuq kishte regjistruar në fakt një mesazh inkurajues video, me ndihmën e Shoqatës së Forcave të Policisë Argos, Dr.Maritato dhe trajnerin Carlo Cancellieri. Zëri i Totit menjëherë shkaktoi diçka tek Ilenia; rritje të rrahjeve të zemrës dhe një zgjim gradual. Faleminderit Francesco, por natyrisht departamentit të neuro-rehabilitimit të spitalit “Gemelli”!
Ilenia, gjatë komës iu nënshtrua një terapie të re, që siguron sinergji midis terapisë së ilaçeve dhe paradigmave shqisore, duke zgjeruar shumë stimujt e pacientit. Një stimul i shkëlqyeshëm ishte Totti, i cili ndihmoi në zgjimin e vajzës me zërin e tij.
Prindërit e Ilenia, pasi morën lajmin e mirë, dëshironin të falënderonin Tottin, gjithashtu duke e ftuar atë në “Gemelli” për të takuar vajzën e tyre. Dhe Francesco, i cili festoi ditëlindjen e tij të 44-t dje, nuk priti më shumë se një javë për ta takuar. Përqafimi me Ilenia, përshëndetja me prindërit dhe mjekët që e shpëtuan atë nga vdekja dhe koma, ishin shumë emocione për ish-numrin 10 të Romës, gjithmonë aktiv në aspektin social. Totti u prek, maska në fytyrë nuk i fshehu sytë e tij të ndritshëm për takimin me Ilenia.
“Francesco është gjithmonë spontan, ishte si të flisje me vëllanë tim, – deklaroi babai i Ilenia. – Ai është një person i mirë, ne do ta kujtojmë gjithmonë këtë ditë”. Nëna e vajzës ishte gjithashtu e ngazëllyer: “Shpresojmë që takimi me Totti ta ndihmojë Ilenia, sepse rruga e rikuperimit është ende e gjatë. Francesco na ka premtuar se do të vijë sërish, kur Ilenia të fillojë të ecë përsëri”.