Drejtori i Lazios, Igli Tare, ka hedhur një bast të fortë. Ai ka bindur David Silven që të kalojë në Serie A dhe të veshë fanellën e kaltër.
Spanjolli la ekipin e Manchester City-t pas 10 vitesh dhe mendohej se do të vazhdonte karrierën në Amerikë, por nuk do të ndodhë kështu.
Spanjolli është bindur nga oferta e klubit italian që i ka ofruar 3 vite dhe një rrogë prej 2.5-3 milion eurosh në sezon që kap 3-4 duke përfshirë dhe bonuset në të.
Lazio kërkon të hedhë hapin e madh për fitimin e trofeve dhe eksperienca e Silvës mund t’i ndihmojë shumë.
34-vjeçari do të ketë mundësinë të qëndrojë në Serie A deri në moshën 37-vjeçare.
Një ndërhyrje e guximshme e Lazios dhe presidentit Claudio Lotito që i besojnë veteranit dhe e blindojnë për të ardhmen.
