Mbrojtësi i Liverpoolit, Joel Matip ka humbur pjesën e mbetur të sezonit për shkak të lëndimit të nyjës.
Këtë lajm e ka bërë të ditur edhe shefi i shtabit teknik, Jurgen Klopp i cili ka thënë se Matip do të jetë jashtë në këtë sezon.
“Për fat të keq Joel do të jetë jashtë në këtë edicion. Ai do të jetë i gatshëm për fazën përgatitore për ediconin e ardhshëm”, ka thënë Klopp.
Kontrollimet shtesë kanë bërë të qartë që Matip do ta ketë të pamundur të luaj këtë edicion.
Liverpoolit për kohë të gjatë do t’i mungojnë edhe mbrojtësit e qendrës, Joe Gomez e Virgil Van Dijk.
Për këtë arsye Klopp të hënën, në ditën e fundit të afatit kalimtar, angazhoi Ben Daviesin dhe Ozan Kabakun.