Drita është përkujdesuar për ta ngritur në piedestal imadhin e futbollit kosovar.
Nënkampioni ynë ka arritur të marrë një rezultat fantastik përballë 15 herë kampionit të Holandës, Feyenoordit duke luajtur baras 0:0.
Drita e Feyenooord u ballafaquan në kuadër të ndeshjes së parë të rrethit të dytë në Confrence League ndeshje kjo që u zhvillua në stadiumin “Fadil Vokrri”.
Derisa Drita shkëlqente në fushë, për spektakël në tribuna u përkujdesën tifozët e Dritës, “Intelektualët” të cilët përkundër në numër të kufizuar për shkak të masave anti-Covid, dhanë një shfaqje të jashtëzakonshme.
Ndeshja kthyese zhvillohet javën e ardhshme me 29 korrik në Holandë, dhe pavarësisht çfarë do të jetë rezultati Drita e ka dhënë testin dhe ka treguar se futbolli ynë ka një ngritje të jashtëzakonshme.