Në xhiron e radhës në Superligën e Kosovës në futboll, atë të 23-tën, do të ketë përballje tejet interesante.
Vëmendja kryesore do të jetë në dy ndeshje që zhvillohen në Gjilan dhe sipas të gjitha gjasave në Lipjan.
Drita pas disfatës në Ferizaj (2:1), e mirëpret në shtëpi Llapin. Ndërsa, Prishtina që ndeshjet si vendas po i luan në Lipjan, do të ketë punë me Ballkanin.
Në takimet tjera, Gjilani viziton Klinën për t’u ndeshur me Dukagjinin. 89-shi kërkon këndelljen në Mitrovicë kundër Malishevës, e Drenica luan në shtëpi kundër Ferizajt.
Orari se kur do të zhvillohen ndeshjet e xhiros së 23-të ende nuk është publikuar në uebfaqen e Federatës së Futbollit të Kosovës.
ÇIFTET E PLOTA:
Drita – Llapi
Drenica – Ferizaj
Trepça ’89 – Malisheva
Prishtina – Ballkani
Dukagjini – Gjilani.