Sonte me fillim nga ora 19:00 do të zhvillohet ndeshja mes Kombëtares së Kosovës dhe asaj të Armenisë në konkurrencën e femrave, e vlefshme kjo për kualifikimet drejt Kampionatit Botëror 2023.
Vashat kosovare sonte do të jenë në rolin e vendasit në stadiumin “Fadil Vokrri”, ku edhe do të kërkojnë me çdo kusht fitoren.
Në xhiron e fundit të zhvilluar në kuadër të këtyre kualifikimeve, “Dardanet” u mposhtën me rezultat të thellë 6:1 nga Belgjika, kurse Armenia pësoi humbje 4:0 nga Shqipëria.
Kosova dhe Armenia pozicionohen në Grupin F të fazës kualifikuese drejt Botërorit për femra, ku kosovaret zënë vendin e pestë në tabelë me katër pikë, krahas armeneve që renditen në vendin e fundit me asnjë pikë të arkëtuar.
Sa i përket ndeshjes së sotme, të dy trajneret kanë vendosur se me cilat futbolliste do ta fillojnë këtë ndeshje, dhe formacionet zyrtare i gjeni më poshtë.
