A mund ta imagjinoni Cristiano Ronaldon me fanellën e Barcelonës?
Kjo është ideja më e çmendur që vjen nga Toni Freixa, ish kandidat për president në klubin blaugrana.
Toni ishte një nga tre kandidatët që fushatën e tij e mbështeti tek Lionel Messi, por në fund e humbi betejën me Laportën ndërsa tani rikthehet në skenë duke i këshilluar një transferim të bujshëm, transmeton News24.
“Nëse ekziston një moment për të bërë të bërë një çmenduri, ky është momenti ideal”, u shpreh Toni në lidhje me transferimin e mundshëm të CR7 në fund të këtij sezoni.
Kjo ide lindi menjëherë pas lajmeve që vijnë nga Anglia, ku flitet se ylli portugez mund të largohet nga Manchester United, nëse “djajtë e kuq” nuk arrijnë të sigurojnë një vend në Champions League sezonin e ardhshëm.
CR7 për Tonin do të ishte njeriu i duhur për të rikthyer besimin dhe harmoninë në “Camp Nou”.
Kjo do të ishte një lëvizje ideale për të rifituar edhe një herë tifozët, të cilët janë ftohur shumë pas largimit të Lionel Messit.