14 ndeshje të luajtura, 12 fitore, një humbje të vetme dhe 19 gola të shënuar në 1/8-at e finaleve të Champions League.
Kjo fazë e kompeticionit më të rëndësishëm europian për klube është territori i Lioneal Messi-t: 12 kualifikime në 12 edicionet e fundit për Barçën (e eliminuar vetëm një herë nga Liverpool-i në sezonin 2006-07) dhe vetëm një ndeshje pa gol për argjentinasin në 11 ndeshjet e fundit të luajtura në Camp Nou.
Nuk ka asgjë për të bërë, Pleshti është i papërmbajtshëm pas fazës me grupe dhe në stadiumin e tij dhuron paraqitje të jashtëzakonshme si ajo e vitit të kaluar: dygolësh në fitoren 5-1 kundër Lyon-it.
Dygolësh si në vitin paraardhës në fitoren 3-0 kundër Chelsea-t, ndërsa në sezonin paraardhës është mjaftuar me vetëm një gol, me penallti, në fitoren 6-1 të bujshme kundër PSG-së.
Para gjashtë herë fituesit të Topit të Artë kanë rënë edhe Arsenal (dy herë), Bayer Leverkusen (i fundosur me një “manita” në një mbrëmje historike), Manchester City dhe Milan.
Tifozët e Napoli-t dridhen, por skuadra e Gattuso-s do ta nisë ndeshjen e kthimit të 1/8-ave duke u bazuar te paraqitja e mirë e bërë në ndeshjen e San Paolo-s (1-1) dhe këtë herë Barcelona dhe Leo Messi nuk do të kenë mbështetjen e zjarrtë të 100 mijë tifozëve të Camp Nou.
MESSI NË 1/8-at e Champions League:
2018/19 Barcelona-Lyon 5-1 (2)
2017/18 Barcelona-Chelsea 3-0 (2)
2016/17 Barcelona-PSG 6-1 (1)
2015/16 Barcelona-Arsenal 3-1 (1)
2014/15 Barcelona-Man City 1-0 (-)
2013/14 Barcelona-Man City 2-1 (1)
2012/13 Barcelona-Milan 4-0 (2)
2011/12 Barcelona-Leverkusen 7-1 (5)
2010/11 Barcelona-Arsenal 3-1 (2)
2009/10 Barcelona-Stoccarda 4-0 (2)
2008/09 Barcelona-Lione 5-2 (1)
2007/08 Barcelona-celtic 1-0 (-)