Atletico Madrid më në fund ka dhënë shenja jete.
Skuadra e Diego Simeones, ka marrë një fitore me shumë vuajtje përballë Valencias me rezultat 3:2, me një përmbysje që erdhi në minutat e fundit të ndeshjes.
Derisa të gjithë menduan se Atletico po fundoset dhe po e pëson një tjetër disfatë, Correa ka shënuar për 2:2 në minutën e 91-të, derisa në minutën e 93-të, Hermoso ka shënuar për fitoren 3:2, gol të cilit nuk i është përmbajtur as trajneri Diego Simeone që ka shpërthyer në lot nga gëzimi.
Atletico ka 36 pikë në pozitën e katërt ndërsa Valencia nënta me 29 pikë.