Armando Broja ka shkëlqyer mbrëmë në fitoren e Southamptonit në udhëtim te Tottenham Hotspur.
Mysafirët triumfuan 2:3 ndaj “Spurs”, anise ishin dy herë në disavantazh gjatë takimit.
Sulmuesi i Kombëtares së Shqipërisë kontribuoi me golin e parë për skuadrën e tij në pjesën e parë.
Vetë sulmuesi i talentuar shqiptar reagoi pas ndeshjes nëpërmjet llogarisë së tij në rrjetet sociale.
Ai u shpreh i lumtur me paraqitjen dhe fitoren, ndërsa ka pasur një falënderim të veçantë.
“Ndjenjë e mirë. Çfarë fitoreje dhe përformance nga të gjithë djemtë, falënderim special për fansat e shenjtorëve për mbështetjen e mahnitshme”, shkroi Armando Broja në Instagram.
20-vjeçari është rikthyer në një nga lojtarët kyç të skuadrës elitare angleze.