Barcelona ka mbetur jashtë Ligës së Kampionëve duke mos arritur të kalojë grupin.
“Katalunasit” pësuan humbje 3-0 nga Bayern Munichu në ndeshjen vendimtare për fatin e tyre.
Barcelonën vetëm fitorja në “Allianz Arena” ia siguronte kalimin tutje, por Bayern Munich tregoi forcën duke e mposhtur bindshëm.
Thomas Muller në minutën e 34-të hapi serinë e golave për gjermanët.
Dy minuta pa përfunduar koha e rregullt e pjesës së parë, Sane me gol fenomenal nga distanca dyfishoi shifrat.
Pjesën e dytë e nisën më mirë bavarezët që shënuan edhe golin e tretë. Musiala në minutën e 62-të “fundosi” klubin katalunas.
Nga Grupi E kalojnë tutje Bayern Munichu nga pozita e parë me 18 pikë, ndërsa i dyti është kualifikuar Benfica me tetë pikë, një më shumë se Barcelona.
Këta të fundit garat do t’i vazhdojnë në Ligën e Evropës.