Barcelona ka fituar sërish derbin ndaj Real Madridit, këtë herë në kuadër të gjysmëfinales së Kupës së Mbretit.
Katalunasit arritën ta fitojnë përballjen ndaj rivalit të përbetuar duke i mposhtur midis “Santiago Bernabuet” me rezultat 0:1.
Mund të thuhet se Real Madrid ishte më dominuese në ndeshje, por që blaugranasit arritën t’i finalizojnë aksionet e pakta.
“Los Blancos” arritën të shënonin pas vetëm 12 minutave lojë me anë të Karim Benzema, por që goli i francezit u anulua për pozitë jashtë loje (12′).
Pas kësaj, Vinicius Junior bëri një gabim në mbrojtje ku përfitoi Ferran Torres që asistoi për Franck Kessie, goditjen e të cilit e mbrojti Courtois por nga topi i kthyer mbrojtësi Eder Militao shënoi autogol (26′).
Fillimisht goli u mendua që ishte pozitë jashtë loje, por pas rishikimit të VAR-it u pranua.
Pas kësaj, Real Madrid vazhdoi të tentojë disa herë radhazi por mbrojtja katalunase ishte në nivelin më të lartë të mundshme duke bllokuar të gjitha shanset.
Vlen të ceket rasti i artë i Barcelonës me anë të Kessie, i cili provoi nga afërsia mirëpo bashkëlojtari Ansu Fati ia devijoi (72′).
Kështu, Barcelona e merr një fitore të madhe në “El Clasicon” e parë në kuadër të Kupës së Mbretit, por gjithçka do të vuloset në “Camp Nou” më 4 prill 2023.
Kujtojmë, cila do skuadër që ka rezultatin e përgjithshëm më të mirë do të avancojë në finale.