Quique Setien tashmë ka filluar të lë shenjën e tij në ekipin e Barcelonës.
Ndeshja e tij e parë në krye pa që klubi katalanas të regjistronte statistikat e tyre më të mira të pasimit për sezonin aktual, me 921 nga 1.005 pasimet e përfunduara.
Ky është totali më i lartë i pasimeve të Setien në La Liga, duke mposhtur rekordin e tij të mëparshëm të 719 nga 788 të kompletuar me Real Betis, përcjell lajmi.net.
Nuk ndalet këtu. Është gjithashtu totali i tretë më i lartë që kur Opta filloi të regjistrojë statistikat e pasimeve në edicionin 2008/09 – i pari i Pep Guardiola si trajner i tyre.
Rekordi i Barcelonës është 962 pasime të përfunduara në një ndeshje kundër Levante në sezonin 2010/11.
Barcelona gjithashtu kishte 82.6 përqind posedim kundër Granada – përqindja e tyre e tetë më e lartë që prej fillimit të regjistrimit të Opta. As skuadrat e Luis Enrique dhe as Ernesto Valverde nuk kishin më shumë posedim sesa mbrëmë me Setien.