Fisnik Asllani ka ndezur alarmin në tregun europian me shpërthimin e tij në Bundesliga. Pas një sezoni të paharrueshëm në Bundesliga 2 me 18 gola dhe nëntë asistime, ai e ka nisur sezonin e ri me katër gola në shtatë ndeshje me Hoffenheim dhe ka tërhequr interesin e Barcelonës.
Sezonin e kaluar, Asllani shkëlqeu te SV Elversberg, ku luajti në formë huazimi nga Hoffenheim. Ai ishte një nga golashënuesit më të mirë në kategorinë e dytë të futbollit gjerman.
Efikasiteti i tij para portës, aftësia për të lexuar lojën midis linjave dhe lehtësia në kombinime e kanë bërë një nga zbulimet e kampionatit gjerman.
Interesi i Barcelonës është konkret. Në orët e fundit, mediat gjermane kanë raportuar se Deco, në rolin e tij sportiv, e ka vendosur Asllanin në radarin e blaugranasve si pasuesin e Lewandowskit.
Gazeta Sport Bild citon vetë Asllanin të ketë deklaruar se gjithmonë ka ëndërruar të veshë fanellën e Barcelonës. Kjo lidhje emocionale po ashtu e forcon interesimin e klubit katalanas për të.
Përflitet për një ofertë fillestare prej rreth 25 milionë eurosh, shumë që mund të aktivizohet në afatin kalimtar të verës së ardhshme për të siguruar transferimin e tij, ka raportuar Fichajes.
Cilët faktorë luajnë në favor të Asllanit?
Së pari, mosha e tij e re, vetëm 23 vjeç, ai ka ende hapësirë për zhvillim. Së dyti, shumëfunksionaliteti i tij, mund të luajë si qendërsulmues ose në krah.
Për më tepër, kontrata e tij afatgjatë i jep stabilitet Hoffenheimit, por gjithashtu hap mundësi për negociata pa presion.
Fakti që ai ka një klauzolë lirimi i jep kontroll klubit, por nuk e mbyll derën për një transferim të mundshëm.